Ilan pang opisyal ng Department of Transportation (DOTr) ang nag-commute papunta sa kanilang opisina matapos atasan ni Acting Transportation Secretary Giovanni Lopez ang mga opisyal na sumakay ng pampublikong transportasyon upang alamin ang araw-araw na sitwasyong dinaranas ng mga komyuter.
Alas sais ng umaga nitong Huwebes, sumakay ng jeep si Undersecretary for Road Transport and Infrastructure Mark Steven Pastor mula sa Quezon Memorial Circle papuntang Mindanao Ave. at naglakad papuntang North Ave. Station ng EDSA Busway.
Mula North Ave. Station ay sumakay si Usec. Pastor ng EDSA carousel bus, bumaba ng Santolan-Anapolis Station at naglakad papuntang DOTr office. Nakarating ang opisyal ng 7:40 ng umaga.
Sa kaniyang pag-commute, nagbigay ng ilang rekomendasyon ang opisyal para maibsan ang kakulangan ng pampublikong transportasyon gaya ng pagdagdag ng PUV units sa Commonwealth, pagdagdag ng maayos na imprastruktura para sa mga pedestrian, at pagdagdag ng mga istasyon sa EDSA Busway para mas accessible ito sa mas maraming komyuter.
Samantala, nag-commute din papuntang opisina si MRT General Manager Michael Capati.
Bago sumakay ng MRT-3 Taft Ave. si GM Capati, napansin niyang marumi ang walkway na dinaraanan ng mga pedestrian na tinatambayan ng mga street dweller.
Makikipag-ugnayan ang MRT-3 sa Metro Manila Development Authority (MMDA) at Pasay City local government upang mapanatiling malinis mula sa ilegal vendor at street dwellers ang bridgeway, nang maging ligtas at maluwag ang daraanan ng mga komyuter.
Sumakay ng tren si GM Capati mula Taft Avenue hanggang sa kanilang opisina sa North Avenue station sa Quezon City.
Tumalima rin sa direktiba ni Acting Secretary Lopez si Light Rail Transit Authority (LRTA) Administrator Hernando Cabrera. Siya’y nagcommute patungo sa kanyang opisina sa Pasay City.
Nagsimula ang biyahe ni Admin. Cabrera ng 6:35 ng umaga, sa Dr. Santos Station ng LRT-1 sa Parañaque City, papuntang LRT-1 EDSA Station.
Simula EDSA Station, tumawid ang opisyal papuntang Taft Ave. at sumakay ng traditional jeep hanggang Aurora Boulevard sa Pasay.
Layunin ng mga opisyal ng DOTr na mapag-aralan pa lalo at makapag-bigay ng mga solusyon para maibsan ang mga challeges na nararanasan ng mga pasahero sa kanilang pagko-commute araw-araw.
Watch the clips in the links below:
1. https://www.facebook.com/share/v/17FnQxwVBr/
2. https://www.facebook.com/share/v/1QJAqgtyN5/
3. https://www.facebook.com/share/v/1BNDY7SLZR/