Bilang suporta sa nalalapit na 2025 FIVB Volleyball Men’s World Championship, pormal na inilunsad ang partnership campaign sa pagitan ng Light Rail Transit Authority (LRTA) at Philippine National Volleyball Federation (PNVF) kahapon, July 15 sa Recto Station ng LRT Line 2.
Pinangunahan nina PNVF President Ramon Suzara, Philippine Sports Commission (PSC) Chairman Patrick Gregorio, kasama si LRTA Administrator Hernando Cabrera ang paglulunsad ng nasabing partnership campaign.
Ito ay bahagi ng paghahanda ng bansa bilang host ng 2025 FIVB Volleyball Men’s World Championship na gaganapin sa Setyembre 12–28 sa SM Mall of Asia Arena at Smart Araneta Coliseum.
Personal na ininspeksyon ng mga nabanggit na opisyal ang mga FIVB Men’s World Championship billboards sa bridgeway sa Recto Station at sumakay sa LRT 2 train na may FIVB Men’s World Championship train wrap.
Kasama rin ang ALAS players na sina Bryan Bagunas, Lucca Mamone, at Marck Espejo, pati na rin ang ilang miyembro ng ALAS Pilipinas beach volleyball team. Sinamahan rin sila ng fans ng Boys Next Door, ang opisyal na global celebrity ambassadors ng tournament.
Sa kanyang pahayag sinabi ni LRTA Administrator Cabrera na ipinagmamalaki ng LRT Line 2 na maging bahagi ng makasaysayang event kung saan ito ang unang beses na magiging host ang Pilipinas ng Volleyball Men’s World Championship.
Clips –> https://www.facebook.com/share/v/178u2kXjrB/
